ר' שמעונ'ס קלאמקע

לחן ומילים: ר' משה יחזקי' ווייס | לעבעדיגע ספרי תורה (תשפ"א)

א נסיעה צו רבי שמעון,
נאך א ישועה זענען מיר געקומען,
דאס הארץ פאר דיר, דאס הארץ פאר דיר, אויסגיסן.

אויף די קלאמקע פון רבי שמעון,
פילע זאכן זיך אונטערגענומען,
א טרער מִמַעֲמַקֵי טוט פליסן.

מיר וועלן א נאמען געבן שמעון,
מיט א בן זכר צוריקקומען,
א טויערל אין הימל דא אויפשליסן.

געהאלפן געווארן מיט א שמעון,
און דאס יאר אים אויך מיטגענומען,
אונזער שעפעלע, אונזער שמעולע דעם זיסן.

כדאי רבי שמעון לסמוך עליו בשעת הדחק.

בערג פון אידישע תפילות,
רבי שמעון און די הייליגע סגולות,
וואו א איד גייט ווען עס טוט אים וויי.

מירון, מירון, וואו אידן וויינען,
מ’וויינט, מ’טאנצט, אלץ אינאיינעם,
מיט געגועים צום תנא אלוקי.

כדאי רבי שמעון לסמוך עליו בשעת הדחק.

א חאלאקע ביי ר’ שמעון,
אויף די אקסלען אים גענומען,
אין א טענצעלע אין מערה זיך אנשליסן.

אויבן זיצט דער קליינער שמעון,
אינגאנצן איבערגענומען,
מיט א מזל טוב טוט מען אים באגריסן.

כדאי רבי שמעון לסמוך עליו בשעת הדחק,
יכול לפטור העולם, אדונינו בר יוחאי.