א דודעלע

רבונו של עולם,
איך וועל דיר א דודעלע זינגען, דו.
אַיֵה אֶמְצָאֶךָּ, וְאַיֵה לֹא אֶמְצָאֶךָּ,
אוואו טו איך דיך געפינען,
און אוואו טו איך דיך ניט געפינען.
אוואו איך גיי, דו,
און אוואו איך שטיי, דו.
נאר דו, אבער דו, ווידער דו, דו.
אז ס’איז מיר גוט, דו.

חלילה פארקערט, ווייטער דו, דו.
מזרח, דו, מערב, דו, צפון, דו, דרום, דו, דו.
שמים, דו, ארץ, דו, מעלה, דו, מטה, דו, דו.
אוואו איך קער מיך,
און אוואו איך ווענד מיך, נאר דו.